منتديات ابو طلال

منتديات مشتاق,asdal3rab@
 
الرئيسيةالأعضاءبحـثالمجموعاتاليوميةالتسجيلدخولس .و .ج
اول موقع عربي مختص ببيع وشراء جميع انواع الطيور والحيونات والاسماك ومستلزماتها حلقه كوم http://www.halgh.com/
التبادل الاعلاني
بحـث
 
 

نتائج البحث
 
Rechercher بحث متقدم
سحابة الكلمات الدلالية
المواضيع الأخيرة

شاطر | 
 

 عائلة ابو الدجاج على لسان ابو الدجاج

اذهب الى الأسفل 
كاتب الموضوعرسالة
حرامي دجاج
عضوا هام
عضوا هام
avatar

ذكر عدد الرسائل : 684
تاريخ التسجيل : 07/06/2007

مُساهمةموضوع: عائلة ابو الدجاج على لسان ابو الدجاج   2007-06-29, 7:44 am

رحبوا فيني انا الدختور (دكتور)ابو الدجاج
والذي سيروي لكم احداث هذا الموضوع المؤثق بتاريخ العائله(عائله ابو الدجاج) كخ
---------------------------

اسمحولي اكتب الموضوع في المنتدى
تسالونني ليش انا اقوولكم .
بصراحة الموضوع مهم جدا
لانه انا كاتب المووووضوع وانا منحني بزاوية مقدارها خمسة وثلاثون درجة شمالا
يعني الموضوع شوي انحناائي
تسالوني ليش اقولكم تعرفون بالاخير.
عَرفَ الكاتب والاديب الروسي الاصل سويدي المنشاء الاستاذ
ابوسنيدح الحب حيث قال :
الحب قوة خارقة تجمع قلوب الناس.

( خلص التعريف)

لكن هذه القوووة جمعت بين هذا الديك الوسيم اللطيف وتلك الدجاجة
ديك من احلى ديوك الارض رقة وحلاوة وعذوبة صوت
بصراحة هالديك اقدر اطلق عليه الديك الوسيم أو الاوسم
لانه اذا اذن بالفجر اجي الضحى الاقي الدجاج مبيضين طبقين او ثلاثة من زين صوته
يعني هالديك ما يلعب صوته ذباحي
كم من دجاجة ودجاجة اجي الاقيها منتحرة تقوول في وصيتها :
حرام كسر الخواطر .. كثر الجفا ما يفيد
وان جينا نتكلم على اخلاقه بصراحة زقرتي ماتلاقي فيه عزيزي القارئ عزيزتي القارئة عيب ديك كامل المواصفات والكمال لله.
المهم وفي يوم اقدر اعتبره اسود في حياة هالعشة دخلت على العشة
والاقي الديتس (ياروحي يا الشياب الي بسوق الحمام، تجي تقول لهم ديك محد يرد عليك تقولهم ديتس على طول يقدرونك) حبيس غرفة الطعام مهب راضي يطلع
مكتم حزين + محبط + ضايق صدره = عرفه هالشيء من شكلة الواضح عليه حدة الحزن والرغبة في البكاء
والله واروح له بالعشة جيت لقيته مطلع الصدر والشعر والحركات
قلت له : افا وش الي ...؟
ناظرني ولا رد علي

قلت له : يؤ يؤ يؤ لا لا اكيد انك تستهبل علي
ناظرني وبرضو لا زال يحملق فيني ولم ير د

وتنهت تنهيته يتضح منها انه شايل الكثير من الهموم ووراني صورة دجاجة لها قذلة وقال لي:
شف هالصورة
قلت: صورة دجاجة
قال : هذي الي انا متحطم علشانها.....!!!!!
دجاجة ام عبد الكريم الي ورى بيتكم .
كان مضطجع وقام واخرج سكين فاكهة وقال :
يا تخطبها لي والا اذبح نفسي وقعد يصيح ويطامر ويسوي حركات تماثل حركة الاعب سامي الجابر الى منه ضيع هجمة محققة.
والدجاج في العشة يناظروني وساكتين يسمعون حوارنا
هديت من روعه شوي وشربته مياه معدنية
والزخه على وجهه واقوول له : هالحين انت ووجهك من زينك ماخذ سكين فااكهة ومدخلها العشة
والامر الثاني ياخي اشلون تبيني اخطب لك دجاجة ام عبد الكريم وحنا ما سالنا عن الدجاجة ولا نعرف عنها شي ولاندري منهم اهلها.
ياخي اشدراك يمكنها عندها سوالف بطالية ولا شي؟
يعني لازم اني اسال عنها واتقصى عن اخبارها.
وبعدين ياخي هالايام يلبسون هالعباية الي تجيك مختصرة مادري مخصرة يعني ترز الحركات وانت عاد تعرف الباقي
قاطعني وقال:
ها ها ها ها
اطلب لي بيرة كخخخخخ . اشوة ضحكتني يا بو الدجاج وانا مالي خلق
حط رجل على رجل وقال :
يا حبيبي هالدجاجة نص ربعي الي معاي بالقهوة يتحرشون فيها وما عطت احد وجه
هالدجاجة ولا كل الدجاج
قلت له : يعني انت متاكد من اخلاقها،انا اهم شي الاخلاق تعرفني يعني أهم شي عندي سمعة العشة ودجاج العشة
قال : والله يا بو الدجاج لاتشيل هم
انت بس اخذ امك وروح لم ام كريم ؟
قلت له : عسى ما شر اخذ امي والله لو اني بخطب لنفسي انت ووجهك
قال : المهم يا بودجاج اهم شي اننا انتزوج ابي اكمل نص ديني ياخي
قلت له : يصير خير ، بس انت اهم شي انتبه لنفسك وصحتك
وفي امسية ولا اخرش ولا أرهب توي متسبح (نعيما) وكااشخ نويت ازرق لبيت ام عبد الكريم نسيبتنا الجديدة
المهم والله واخذ بشتي الوردي والمزركش باللون الاخظر حطيته تحت ابطي
ولما وصلت بيت انسبانا (ام عبد الكريم ) لبسته
عاد البشت قصيروسيقاني طالعة من تحت وحذائي الرياضي كنت لابسة لانه كان عندي مباراة بعد هالخطوبة عاد الي يشوفني بهالبشت وهالسيقان كني الي يطلعون في التلفزيون في برنامج ((مشاهد من ايام زمان ))
المهم والله وادخل على ام عبد الكريم بالبيت والاقيها قاعدة اتصلي المغرب
حرمة كبيرة طااعنة بالسن ، مهيب طاعنة بالسن الا مقطعة السن تقطيع
قلت لها : مسااك الله بالخير يا ام عبد الكريم (والابتسامة شاقة وجهي شق الي يشوف فمي يقول فتحة فيديو مهب فم )
قالت : هلا والله با بودجاج الجار العزيز
وش لون امك ، عساها بخير وش وشلون وش لو .. ,ش لون ..ألأخ
((كان فيه عندها ظاطور بالجدار ودي اطمر عليه بس مستحي منها، يطالعني بنص عين مادري الظاهر عاجبه البشت )
قلت لها : يا ام عبد الكريم بحكم اني جاركم الوحيد فانا طالب القرب منكم في دجاجتكم لديكي ، واليوم احنا جيران وبكرة نبي نصير اهل ونسايب
كان تطالعني بنظرات غريبة وكنها نظرت يوسف الثنيان اذا كسره دغريري وعمر المهنا ما عطاه فاول ))وهي معصبة قالت :
يا بودجاج وديك من وين يعرفها..؟ ووين شافها..؟ لا يكون تكلمه بالتلفون .؟؟
قلت لها : لا يا بنت الحلال اعصابك لا تموتين علينا وش تلفونه انا اصلا ماعط سلك التلفون معطا جما , من عقب مادريت ان احد الدجاجات داخلة النت وتغازل ديك من نيويورك واسمه افتخار .
يا أم كريم دجاجتكم المصونة مخلوقة في غاية الادب و ديكنا اعزب وانا قلت مالنا الا ام عبد الكريم هي الي بنلاقي عندها ظالتنا ، واهل الخير دلونا عليكم
..يوم هدت اعصابها شوي ورجعت ظهرها على الاريكة واطرقت تفكر قليلا
وقالت بارتياح : والله يا بودجاج لو هي ذبيحة ما ريتك.
بس عاد اصبر علينا كم يوم وبنرد عليك لانه اتعرف هذا زواج وهذي حياة زوجية ، وانا بصراحة هذي دجاجتي الوحيدة واخاف على مستقبلها يعني لازم اسال عن ديتسك واعرف منهم ربعه ومثلك عارف يعني يا بودجاج ..
والدجاجة بكر يعني لازم نشاورها وناخذ رايها .
قلت لها :و الله ألي تشوفينه ، حنا مستعدين بالي تامرون فيه وابشرك توه مأثث العشة الي يبي يسكنون فيها من رامز والمكتب حقه من ايكيا يعني الديك زقرتي وشاري دجاجتكم
قالت : وانا دجاجتي بنت ناس ومربية مو مثل الدجاج الباقي ولو تلفون (تدورون)سوق الدجاج ماتلقون مثل اضفرها .( والله لو انها الحين باميلا اندرسون))
قلت لها : اكيد ما فيه شك والله ،
دام كذا استاذن
قاطعتني وقالت : وين يا بودجاج ما شربنا الشاهي (لي ساعة قاعد ما جابت شاهي)
كان اقولها : والله الوانيت برى بحاله مزرية فيه علف الدجاج مع السلامة
انا بمركم بعد اسبوع
يوم قالت : لا انا بدق عليكم

المهم والله وامر على د يكي ولقيته ماسك العود ، ويعزف ومادري من وين مدخل مراويس للعشة وبطة تروس له وعنز ماسكة الكمنجة والناي ماسكة مالك الحزين مادري من مجمع هالسلنتح كنك في كبرية بشارع محمد علي الي حول دوار ام سليم.
لاوالي زاد الطين بلة لقيت اربعة قرود يشكشكون وفيه قطو قاعد عند الزاوية طاق النظارات الشمسية ويحك شنبه معه قوطي يشفط وزقارة ويقول : في صحة احلى عشة واحلى حيوانات في العالم
والديك يغني ويقول :

ياخوي انظر لحالي وش جرالي ...نهب قلبي غزال الصالحية
عاد يوم ادخل لقيته يمول : يلاه يا ليليه يالله
يانا س يا زين منفوحة (ياروحي يا العنز على الكمنجة)
ترد عليه العنز وتقول (تسلم روحك والحاظرين)
يستانف عاد الديك بقية الموال ويواصل...
يلاه يليه يا ليليه يالله ..يا زين منهو سكن فيها
وخدودها تسنها الخوخة ... زين العرب ضايعن فيها
ابي انهبه وازبن الدوحة ...وابعد بها عن اهاليها

والله واجي فاقد اعصابي واطرد هالسلنتح والسرابيت
واصفق الديك واقول له : خير انت ووجهك وراك مجمع هالسلنتح في عشتي

قال : هلاهلاهلاهلا ابودجاج يا صديقي المنصدق احبك ياأحلى راعي دجاج بالعالم
قلت له : لاعمرك تنادي اخوياك انت ووجهك ، عندنا هنا دجاج نخاف على سمعتهن لا اقوم واتوطنى ببطنك
قال : ياخوي وراك على اهل الفن والفنانين .
قلت له : اقول رح بس مش خشك .

قال : هون عليك يا صاحبي ، خلاص معد اعودها ، بس بشرني ، قلي لي وش قالوا اهل الدجاجة ، قلي انهم وافقوا لاتقول لي ما وافقوا
سكت وقعدت اكلم نفسي ( هذا مسكين مصدق نفسه لو ماتوافق وش يبي يصير فيه)
قلت له : لاوالله قالوا انهم يبي يشاورون دجاجتهم ويبون يسالون عنك
قال : الله يستر ، تتووقع انهم يبي يوافقون
قلت له : يا حبيبي وين يلاقون ديك مثلك ، رشاقة و صوت عذب عرف يوقف عليه التيس ومنقار كنه سلة سيف ، ومثقف ، لو ما يوافقون هم الخسرانين ، والله اطلع انا وانت سوريا اجيب لك احلى دجاجة وما تكلف شي ولو انه هالايام فيز السوريات صعبة بس كل شي لاجل عيونك يهون
انا كم ديك حبيب عندي , واحد وهو انت .
قال : اه يا بودجاج ذبحتني هالدجاجة
تصدق كل يوم طاق الدرابيل حقك وراقي بالسطح اقزقزها ، عاد البارح شفتها وهي رايحة تنشر الغسيل يا قلبييييييييييييييييييية وفلت الريش وانا بصراحة ضاعت علوومي ولما شافتني اشرة لي بالمنديل
كان تجي في بالي أغنية راغب علامة : أشر لي بالمنديل .... آه
قال انا ماشي .. فستانه كحلي طويل .... ياهوه
حدر به وماشي

قلت له : وانا اقول وين دربيلي اثاريه عندك .
قال : ياخي وش ازين احبها ما اقدر أصبر عنها
قلت له : هاه شفتها حلوة .
قال : مووووووت ، خل عنك والله ياهي شق ، يا ويحية يوم طير الهوى الريش
يا شيخ وانا اغني , الي يسمعني وانا اغني وهي تمشي يقول فيديو كليب حق عاصي الحلواني يوم يقول : والهوى طاير طاير ينثر هالجدايل

قلت له : اقول روقنا بس ولا تقعد تطلل ، وجب دربيلي انت ووجهك .
المهم مرت الايام بطيئة على هذا الديك سريعة علي لانه ما يهمني
دقت علي ام عبد الكريم وتقول :
بودجاج يا ليت لو تمرني اليوم بعد صلاة المغرب
قلت لها : اوكيشن

والله ونفس الكشخة السابقة دخلت وقعدت ، ونفس الظاطور لقيته قاعد على نفس الجدار
قلت لظاطور : مساك الله بالخير يا شيخ .
( يناظرني الظااطور وشكله يقول اصحاب العقول في راااحة)
قالت لي : مساك الخير يا بودجاج اشلونك عساك بخير .
قلت لها : والله بخير يا جعلك بخير
قلت لها بلهفة : بشريني عسى الامور كلها تمام
قالت لي : والله مادري شقول لك يا بودجاج بصراحة الدجاجة مهي موافقة وانا قلت لك من الأول اذا ما وافقت ما اقدر اكسر هواها ، يعني اتعرف الدجاج اذا تضايقوا يسون اضراب ويوقفون البيض وانا على الله ثم على البيض، وانا دجاجتي مدللة

قلت لها : يعني ما فيه نصيب
قالت : الله كريم
طلعت منها ودمعتي على خدي انهاراً وشلالات، والظاطور الي بالجدار يقول احسن ، واربع نملات مارات محملين سكر قاموا يصيحون لما عرفوا السالفة ، مادري اشلون افهم هالديك السالفة الحين ، اشلون افاتحه بالموضوع .
جيته العشة ولقيته مشغل اغنية أم كلثوم : امباركين عرس الاثنين ليلة ربيع عين وقمرة

دخلت عليه وطفيت المسجل وقلت في نفسي لازم اني احافظ على مشاعره واقوله الخبر بالتدريج عشان ما ينصدم بالواقع المر الاليم : قلت له
يا دكي العزيز شفت دجاجة ام عبد الكريم
قال ايه اشفيها.. ؟ وافقت .؟؟
قلت له: اقولك اصرف نظر عنها مهوب نظر وبس الا نظر وغيب وحفظ (تعرفون لازم احافظ على كيانه العاطفي)
هو مير سمعني قلت هالمقوولة وخارت قواه وانهار قدامي
يالاجواد جيبولي موية بصب عليه , جيبو لي بتكس نفثالين , ومنا ومنا الين صحى
المهم
يومين بغيبوبة ثالث يوم فكت الغيبوبة وحت ريشة وما عاد يأذن ولا له خلق لشي
دخلت عليه ذاك اليوم ابي اواسيه لقيته مشغل اغنية شادي الخليج : قالوا ترى , مالك أمل .. في قربها لويوم ... ابعد وجنب دربها .. هذا هو المقسوم . ويشرب دخاان
هذاك الديك الي عمره ماطبت في شفتاه التتن يدخن لا مهوب اي دخان بعد ابو بس (صحيح الحب مذلة) ويطالع صورة الدجاجة
رابع يوم ما سمعت حس للديك . خامس يوم ما سمعت له حس
اسبوع دخلت العشة لقيته مسلم الامانة لبارئها وميت وكاتب بورقة هالبيتين
بلغوها اذا اتيتم عشتها ....انني مت بالغرام فداها
واحضروها لتربتي فعضامي ....تشتهي ان تدوسها قدامها
وكاتب عطوها دجاجة ام كريم

مشكورين للاصغاء : اخوكم ابو دجاج






ملاحظة كتبت هذا الموضوع في عشة الدجاج في اللاب توب حق
الديك الفقيد المغفور له باذن الله
وكان هذا سبب انحنائي وذالك لان العشة قصيرة
تم تصوير كافة الاحداث في عشة اخوكم ابو الدجاج في السطح.

أخوكم What a Face ابو الدجاج What a Face drunken

____________


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
هموسه
عضو زايد حلاوه
عضو زايد حلاوه
avatar

انثى عدد الرسائل : 167
تاريخ التسجيل : 21/05/2007

مُساهمةموضوع: رد: عائلة ابو الدجاج على لسان ابو الدجاج   2007-06-29, 11:47 am

ههههههههههههههههههههههههههه

يسلمو اخي حرامي دجاج,,

قصه روووعه,,,

ولك تحياتي

همووووسه

____________


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو https://twitter.com/asdal3rab
حرامي دجاج
عضوا هام
عضوا هام
avatar

ذكر عدد الرسائل : 684
تاريخ التسجيل : 07/06/2007

مُساهمةموضوع: رد: عائلة ابو الدجاج على لسان ابو الدجاج   2007-06-30, 7:58 am

لا شكر على واجب هموسه ويعطيك العافيه على مرورك

اخوك What a Face ابو الدجاج What a Face drunken

____________


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ابو طلال
مراقب عام
avatar

ذكر عدد الرسائل : 1034
العمر : 37
Localisation : https://twitter.com/asdal3rab
تاريخ التسجيل : 16/05/2007

مُساهمةموضوع: رد: عائلة ابو الدجاج على لسان ابو الدجاج   2007-07-01, 12:59 am

لغوها اذا اتيتم عشتها ....انني مت بالغرام فداها
واحضروها لتربتي فعضامي ....تشتهي ان تدوسها قدامها
ااااااااااااااه ومن الحب ماقتل خخخخخخخ لا والله مابغي غير هي .. واحلا حاجه عجبتني بالقصه انو من حلاه الوحده تبيض طبق وطبقين الى سمعت صوته هع هع

____________



!function(d,s,id){var js,fjs=d.getElementsByTagName(s)[0];if(!d.getElementById(id)){js=d.createElement(s);js.id=id;js.src="http://platform.twitter.com/widgets.js";fjs.parentNode.insertBefore(js,fjs);}}(document,"script","twitter-wjs");
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو https://twitter.com/asdal3rab
حرامي دجاج
عضوا هام
عضوا هام
avatar

ذكر عدد الرسائل : 684
تاريخ التسجيل : 07/06/2007

مُساهمةموضوع: رد: عائلة ابو الدجاج على لسان ابو الدجاج   2007-07-01, 4:39 am

يسلمو اخوي مشتاق على مرورك الرائع والافضل من رائع انتقاؤك لاحلى العبارات التي يحتاج اليها كل حبيب وعاشق ومغرم (لغوها اذا اتيتم عشتها ....انني مت بالغرام فداها واحضروها لتربتي فعضامي ....تشتهي ان تدوسها قدامها ) ولا تحرمنا من ردودك الرائعه انت وهمووووسه المشاعر
اخوكم What a Face ابو الدجاج What a Face drunken

____________


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
!~ž§¦جنون رجل¦§
عضو زايد حلاوه
عضو زايد حلاوه
avatar

عدد الرسائل : 120
تاريخ التسجيل : 19/05/2007

مُساهمةموضوع: رد: عائلة ابو الدجاج على لسان ابو الدجاج   2007-07-03, 10:24 pm

ههههههههههههههههههههههههههههههه مشكوووووووووووور ابوا الدجاج
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو https://twitter.com/asdal3rab
حرامي دجاج
عضوا هام
عضوا هام
avatar

ذكر عدد الرسائل : 684
تاريخ التسجيل : 07/06/2007

مُساهمةموضوع: رد: عائلة ابو الدجاج على لسان ابو الدجاج   2007-07-05, 8:18 pm

العفو ويعطيك العافيه على مرورك اللي اسعدني
What a Face ابو الدجاج What a Face drunken

____________


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
{{ الدلوووووعه }}
عضو زايد حلاوه
عضو زايد حلاوه
avatar

انثى عدد الرسائل : 108
تاريخ التسجيل : 18/07/2007

مُساهمةموضوع: رد: عائلة ابو الدجاج على لسان ابو الدجاج   2007-07-21, 1:26 am

هههههههههههههههههههه
قصة روعه ياحرامي الدجاج
الله يفرحك قد ما ضحكتني
بس على فكرة ممكن تهديلي الاب توب حق الفقيد علشان الذكرة يعني (( خخخخخخ ))
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.f3f3.com.sa
حرامي دجاج
عضوا هام
عضوا هام
avatar

ذكر عدد الرسائل : 684
تاريخ التسجيل : 07/06/2007

مُساهمةموضوع: رد: عائلة ابو الدجاج على لسان ابو الدجاج   2007-07-26, 3:52 am

يسلموو الدلوعه على المرور واطلاعك للموضوع

____________


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عذبه الأحساس
عضوا شرف للمنتدى
عضوا شرف للمنتدى


انثى عدد الرسائل : 1507
تاريخ التسجيل : 13/07/2007

مُساهمةموضوع: رد: عائلة ابو الدجاج على لسان ابو الدجاج   2007-07-26, 7:25 pm

ههههههههههههههههههههههههههههههه

حرامي حلوه القصه

وعجبني رد مشتاق

يقول

واحلا حاجه عجبتني بالقصه انو من حلاه الوحده تبيض طبق وطبقين الى سمعت صوته هع هع

____________


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
حرامي دجاج
عضوا هام
عضوا هام
avatar

ذكر عدد الرسائل : 684
تاريخ التسجيل : 07/06/2007

مُساهمةموضوع: رد: عائلة ابو الدجاج على لسان ابو الدجاج   2007-08-02, 12:44 am

يسلمووووو عذوبه على مرورك الرائع

____________


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
عائلة ابو الدجاج على لسان ابو الدجاج
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات ابو طلال :: ^~*¤©[£] المنتديات الأدبية [£]©¤*~^ :: ~*¤©[£] منتدى القصَـص والروَآيآت [£]©¤*~-
انتقل الى: